NWU Hokkie is trots op sy geriewe en personeel en bied aan elke student die geleentheid om op en van die hokkieveld af uit te blink. Ons verskaf ’n stabiele omgewing, met professionele persone en kundiges van regoor die wêreld. Met mentorskappe en die buitengewone bestuur van ons spelers verskaf ons aan studente ’n gebalanseerde omgewing waar die akademie en sport saam werk om die beste moontlike atleet en student te skep. Ons doelwit is om elke individu wat aan hokkie deelneem, te verbeter en te verseker dat ons deur sport ’n bydrae tot die toekoms van hierdie land lewer.

NWU Hokkie is trots daarop om billike en regverdige prosesse te hê in die lewering van verteenwoordigende en multivaardige hoëprestasiespanne wat aan top universiteitsgeleenthede, soos die USSA en Varsity-hokkie, deelneem. Voorts stel ons talle van ons jong spelers in die verskillende weergawes van ons sport aan veelvuldige provinsiale spanne bloot, byvoorbeeld met binnenshuise, senior interprovinsiale en onder 21- provinsiale spanne.

NWU Hokkie het ’n ryk geskiedenis en kultuur wat talle suksesse, titels en toekennings opgelewer het. Die doel is om ’n platform te skep om konsekwent vanaf ons sportvelde spelers vir nasionale spanne, nasionale hoëprestasieprogramme en provinsiale spanne te lewer.

Ons is gelukkig om van die beste afrigters en personeel te hê wat by die NWU Hokkie-akademie betrokke is, en wat ’n wye verskeidenheid ervarings en prestasies verteenwoordig.

Ons bied talle mediese ondersteuningsdienste en werk saam met herstel- en rehabilitasiesentrums in ons areas. Ons verseker dat ons atlete goed gemoniteer en bestuur word om doeltreffende en effektiewe programme te verseker.

Rig navrae aan:


 Shaun Meijer  
 Sportbeampte: Hokkie
 Vaaldriehoekkampus
Maeson Dhlamini
Sportbeampte: Hokkie
Mafikengkampus
018 389 2902
Shaun Hulley
Sportbestuurder: Hokkie
Potchefstroomkampus
018 299 2056